MARANAO PATROL is the BEST among the rest.

Basic Leadership Training Course (BLTC). Maraming Salamat po sa Girl Scouts of the Philippines Nueva Ecija Council Cabanatuan City sa pagko-conduct ng ganitong activity. Malaking tulong po ito upang mas lalong maggrow ang aming kakayahan bilang isang isang indibidwal at isang magiging Leader.

Bagaman sa simula ng unang araw ng phase 1 ay nakaramdam kami ng pagkaantok habang kayo ay matiyagang nagsasalita sa harap namin. Hindi kayo nagpakita ng kawalan ng gana sa pagbibigay ng mga bagong kaalaman kundi lalo pa ninyo kaming tinutukan sa aming mga dapat malaman at maintindihan.

Sa tatlong araw ng phase 1 nakahanap kami ng mga bagong kaibigan na bagaman nagmula kami sa iba't ibang bahagi ng Nueva Ecija ay hindi ito naging hadlang upang makapagbigay kami ng tiwala sa kapwa namin Girs Scout. Mas lalong lumakas ang aming loob sa lahat ng hamon na ibinigay, mas naging matapang at nagkasundo-sundo kami dahil iisa lamang ang naging hangarin namin bilang Patrol Maranao. Sa isang pangkat kahit anong larangan pa man yan DAPAT MAY TIWALA SA ISA'T ISA dahil iyon ang magiging susi upang maging matagumpay ang hangarin ng bawat isa.

Kung ilalarawan ko ang mga pangyayari sa Phase 1. Masasabi kong naging makabuluhan sa rami ng natutunan ko. Masaya dahil sa mga tunay na taong nakasama ko at higit sa lahat nakatitiyak akong mauulit ang pagpunta ko para harapin ang phase 2 :)   

Girl Scout's Promise

On my honor, I will do my duty

to God and my country

to help other people at all times

and to live by the Girl Scout's Law 

Dapit-hapon Sa Umaga (TULA)

DAPIT-HAPON SA UMAGA

12:51 AM 5/16/2014

leahlynduquillatomas

1

Sa gilid ng aking mata, ako ay may nahagip ng tingin.

Isang kabataang halos lahat ng bagay ay hindi pansin.

Sumubok akong lumapit upang siya'y kausapin,

Ngunit hindi ko alam ang dapat kong sabihin.

2

Nagpasya akong siya ay iwanan at layuan,

Subalit bakit hindi ko siya kayang talikuran.

'Di ko kilala ang babae na nasa aking harapan

Ngunit nakikita ko sa kanya ang aking katauhan.

3

Nanaig ang dapit-hapon sa umaga.

Humina ang loob at di na lumaban pa.

Napatalo sa pagsubok at 'di nagtiwala,

Sa DIOS na sa lahat ng bagay ay lumikha.

4

Nabakas ko ang kawalan ng pag-asa sa kabila ng kabataan.

Nagawang bumitiw sa mga bagay na dapat panghawakan,

Na tila ba buong daigdig ay pasan-pasan niya sa likuran

Sa pag-aakalang hindi na siya pinahahalagahan ninuman.

5

Hindi ko alam kung ano ang nagtulak sa akin

Upang hamigin ang kaniyang litong damdamin.

Basta't ang nais ko na lamang siya ay pangitiin

Bigyan ng payo upang puso at isip ay pagaanin.

6

Kanyang mga pangarap sa buhay ay aking sinariwa.

Dinamayan ko siya upang ipaabot na di siya nag-iisa

Sa mga pagsubok ng buhay saan man siya mapunta.

Nagawa kong palakasin ang nanghihimagot na bata.

7

Sa pagkakataong ito, kilalang-kilala ko na siya .

Ako nga, ang batang babae na sa salami'y nakikita.

Puno ng pag-asa't 'di kababakasan ng pagkabahala.

Na tanging alaala na lamang ang dapit-hapon sa umaga.

Todos Los Santos

Todos Los Santos...

Sa araw na ito, marami sa atin ang abalang-abala sa paglilinis at paggagayak ng puntod ng ating mga mahal sa buhay na namayapa na. sapagkat bukas ay November 1 na. parang kailan lang pero isang taon na naman pala muli ang lumipas. yung iba sa atin ngayon lang napagmuni na "oo nga pala" kasi bihira lang bumisita sa sementeryo. tulad ko... kapitbahay lang namin ang sementeryo at madalas kong madaanan sa pagpasok at pag-uwi. sabi nga, hindi man natin sila madalaw sa anumang kadahilanan ang mahalaga hindi sila nawawala sa puso at isipan natin. kasama ang alaala na palagi natin dadalhin saan man tayo magpunta.
Kaya kung may panahon ka bukas... dalawin na sila :)

Keep Holding On - Avril Lavigne (lyrics)

SAYO LAMANG (Tula)

SAYO

Leahlynduquillatomas

12/11/2014

7:55 PM

sa bawat araw na lumilipas,

umaasa ako na laging may darating na bukas.

dahil anuman ang pagsubok na aking pagdaanan,

alam kong may Dios na palagi lamang nariyan.

magkaminsay natatalo ako ng kalungkutan

magkaminsay nalilimutan kong ikay nariyan

ngunit kailanman pagsuko ay hindi ko laan

dahil pinaramdam mo saking hindi mo ako iiwan

alam kong walang perpekto sa mundong ito

baliktarin man ito ay hindi na magbabago

ngunit ito lamang ang tanging masasabi ko

ang perpektong lugar ay matatagpuan ko sayo

ikaw lamang ang natatanging kayamanan ko

sayo lamang sumasaya ang aking mundo

kung kayat wag mo sanang iwan tanging hiling ko

upang hindi maiwang nag-iisa at gulong-gulo

PARA SA AKING AMA (Tula)

PARA SA AKING AMA

7:41 pm / 7/14/15

leahlynduquillatomas

Ama, pangarap ay akin na pong nakamit

Ngunit sa’king dibdib ay may kaunting hinanakit

Sapagkat tagumpay ko’y di mo man lang nasilip

Mula nang ang iyong mga mata ay tuluyang maidlip.

Laksa-laksang pagsubok ay aking binata

Habang pinapahid ang pagdaloy ngmga luha

Kasabay ng pagdaranas ng mga hirap

Na kung buhay ka’y hindi ko malalasap

Marami akong nais gawin kasama ka

Mamasyal sa Baguio o di kaya’y Maynila.

Ang kasabay kang kumain kahit sa karinderya

Ikaw, si ina at mga kapatid ko ay sadyang mahalaga,

Kabutihan mo po sa’kin ay di ko lilimutin

Pagmamahal mo’y lagi kong nanamnamin

At mga payo mo po sa tuwina’y aalalahanin

Dahil yun na lang ang tangi mong pabaon sa’kin

Pagmamahal ko po sa inyo ni ina ay di magbabago

Dalawin man ako ng maraming alalahanin at bagyo

Sa tuwina’y aalalayan ang mga kapatid ko

Iyan ang natatanging pangako ko sa inyo.

Kailanman ay hindi ko tatanungin ang Dios

Kung bakit kinailangan maging ulila kaming lubos

Dahil hindi Niya hinayaang kami’y mamalimos

Malubog sa ilog ng kabiguan dahil sa malakas na unos.

Darating din ang panahon na muli tayong magkikita.

Mahahagkan, mayayakap at muling makakasama

Ikaw, ako at si ina ay muli masisilayang masaya

Sa panibagong daigdig na walang lumbay at payapa.